عزيز عينى

عازز عليا النوم يا عزيز عينى
طال عليا الليل إمتى تلاقينى
قلبى بيك مشغول والشوق ينادينى
روحى عليك بتنادى وانت نور عينى
سافرت فى ليل الشوق أدور على وصالك
إمتى يا ليل تهون و ترحم عشاقك
قمرك يا ليلى بدر منور لأحبابك
وانا قمرى يا ليل غايب والقلب ليه ميال
هايم فى ليل الشوق يشكى لسهده الحال
 يغنى غنوة شوق وينشد الموال
يقول يا ليلى هون وردلى الغايب
هون عليا الشوق دا انا من بعاده دايب
إمتى ياقمرى تطل و اتملى من نورك
إمتى أشوف البدر بيطل فى عيونك 
يقول لليلى يرحل وتضمنى جفونك