يا مصري

شيال الحمول يا مصري ...لاتشكي ولا تنوء يامصري
العزم شديد يا مصري  ... والهمه حديد  يا مصري
صبرك جبار يا مصري ...بيهد جبال يا مصري
صابر ع اللوم يا مصري ...حيلك مهدود يا مصري
خيرك للغير يا مصري ...وانت مطحون يا مصري
حقك مهدور يا مصري ...دمك  مسفوك يا مصري
صوتك منبوح يا مصري ....قلبك مهموم يا مصري
مشهور بالنكته يا مصري ....بتصبر قلبك يا مصري 
بتشد ف عزمك يامصري ....وبتشرح صدرك يا مصري
سنك ضحاك يا مصري ...وجهك صباح يا مصري 
قلبك عمران يا مصري ...بخير وإيمان يا مصري
عشمك في الله يا مصري ...تسبح رحمن يا مصري   
مؤمن بالله يا مصري ....حامي الأديان يا مصري 
حضنك فضفاض يا مصري .... بيساع أحباب يا مصري 
كرمك فياض يا مصري ......ع الكون فياض يا مصري 
أصلك معروف يا مصري ....لجدود وجدود  يا مصري 
تاريخك  سباق يا مصري ...علم اجيال يا مصري 
شارب م النيل يا مصري ... شبابك قنديل يا مصري
بينور ليل يا مصري .....بشار للخير يا مصري
لا تأسي ولا تخون يا مصري ....ولا تنسي الويل يا مصري
غضبك بطار يا مصري ....بتطير في رقاب يا مصري
شلال فياض يا مصري ...غرق أعداء يا مصري
عدوك مهزوم يا مصري ...في أرضك مدفون يا مصري
علمك مرفوع يا مصري .....على كل جبين   يا مصري 
شعبك منصور يا مصري ....عرضك منصان يا مصري 
عدوك مغرور يا مصري ...في صبرك مخدوع يا مصري
علي الظلم صبور يا مصري ......عمرك ماتهون يا مصري
إن جد الجد يا مصري .... على طول بتسد يا مصري
ولادك شهداء يا مصري ....واقفين له طابور يا مصري 
مقابـلين الموت يا مصري  .......ولا يعرفوا خوف يا مصري 
ربك حيصونك يا مصري ........من كل عداك يا مصري 
دايما معاك يا مصري ...يسدد خطاك يا مصري