عصفور و حر

في يوم صحيت على صوت بينادي ..عصفور يزقزق فوق شباكي
 قومي وشوفي بلدنا  حره ..طالع نهارها دي العتمه مره

شبابها ناهض وسط الضباب يمر..شبعان من الويل وطعمه المر 
يشق الليل ويصحي الفجر ..طال عذابه وماعنده صبر 

لقيت شباب هديره موج.. مالي الطرقات فوج ورا فوج
أمواج طوفان بحر الحق ..على باب الظلم بيدقوا دق
 إيمانهم راسخ مايعرف شك .. نسفوا جدارالخوف دكوه دك
سواعدهم  حره شقت طرقات ..نقشت على جدارها زمن الظلم ولي وفات

هتافهم يزلزل  جدار الصمت... ويدمر خوفنا ويهده هد 
شباب ينادي بأعلى صوت ..لا همه رصاص ولا خاف الموت  
رافع ايديه في وش الظلم.. يقول كفانا قهر وهم 
يصرخ يا رب أقبل دعانا .... أعلام الحريه ترفرف في سمانا 

يارب أقبل دي قلوب فتيه..أحلامهم عدل طالبين حريه..يارب اقبل خليك معانا ..ده قلب مصر بيدعي ويانا..يارب إحمي حياة ولادنا .. الشهدا نادوا الجنه ميعادنا
دماء وسالت على وش الارض .....دمائهم طاهره وقصاصها فرض
دماء بحور على أرض ميدان .. تفيض في ارضه ..يصرخ شبعان
دي دماء ولادي..شباب بلادي..في الليل ينادي يصحي نايم غفلان وتايه عالبيت يمر..ينادي حر
 شمس الحريه هله ..على بابنا طاله....بتقول يا مصر ....ولادك اهم