أيام فات عليها زمان

برجع لزمان ...أيام فات عليها زمان ..لا فيها قهر ولا أحزان 
أيام براءه و فرحه في العيون نطاطه ...وقلوب شفافه كلها طهاره
أيام دنيتها واسعه وضفافها كلهاأحلام....متعرفش قلق ولا تخاف أوهام 
كانت الدنيا واسعه بحر مالوش اخر ....احلامنا فيها تسبق كل البواخر 
ادينا ممدوده طايله السما ... وقلوبنا طايره على جناح الهوا 
لا نعرف يأس ولا نخاف من بكره .... قلوبنا صافيه لا تغدر ولا تكره
 وكل لحظه شايله امل جديد ..... شايفه معاه مستقبل  لسه وليد 
بنجري ورا احلامنا في كل الطرقات .....لا نخاف ضلمه ولا متاهات 
عزيمتنا قويه ...وقلوبنا نقيه....وحياتنا لسه صبيه
مش شايفين في الدنيا غير الضحكه ....ومدقناش غير طعم الفرحه 
لا شايلين للزمن هم ...ولا عرفنا طعم الغم 
كل ده راح فين ...كل ده تاه ليه ....
آه ...كل ده كان زمان ... في أيام فات عليها زمان